Mahirap din palang i-assume na dahil nalampasan mo na yung “first baby days“ mo ay sisiw na yung pangalawa.
Mali. Malaking pagkakamali ang isipin yun.
Unang-una, mahirap sabihing “sanay” ka na sa puyatan. Baka naman in denial ka lang kaya dedma ka sa mga mensahe sa’yo ng iyong nahihirapan (at tumatandang) katawan. 🙂
Pangalawa, yung sabing mas alaga yung unang beybi kaysa sa pangalawa, sablay din. Mas mukhang alahoy lang yung ngayon kasi di ka na masyadong nagfafuss-over sa mga mga bagay na dati’y kinapa-praningan mo. Been there, done that na kasi ang siste now.
Ikatlo, ang bagong-saing na kanin sa rice cooker ay amoy pupu ng beybi. Promise.
Nanay Ni Bagong Beybi Boi (NNBBB): o, nag-pupu yata yang anak mo.
Taroogs: dehins, binuksan ko lang yung rice-cooker. Luto na. Kain tayo!
Ate Na Si Dear Dawter (ANSDD): Yaaaak!
Panghuli, at pinaka-mahalaga, ke amoy gatas, amoy kendi, amoy tuta, amoy tokwa o amoy beybi ang beybi mo… masarap pa din siyang singhot-singhutin!
Taroogs: beh, amoy tokwa na naman tong beybi mo!
NNBBB: mag-ama nga kayo… amoy suka ka eh. Bagay kayo!
ANSDD: wahahahahah! amoy suka si daddy! amoy suka si daddy!
Taroogs: Heh! ikaw amoy wiwi.
ANSDD: Mommy o!