LED na bumbilya… Magtipid para sa pamilya!

Napa-isip lang kasi ako nitong huling Earth Hour event… OK naman yung patayin ang mga “non-essential” lights for 1 hour to ease the burden on our energy generation systems, if only for a short while. Dito sa atin, ayon sa balita after the activity, we were able to save around 360MWs of electricity (grabe pala ang energy demand natin sa isang oras, ano?)

Pero paano naman yung mga “essential” lights na dapat naka-on pa din? Patuloy pa din yung higop niya ng kuryente from the system?

[An aside: Tanong sa’kin ng anak ko nung pinapanood namin yung Earth Hour coverage sa TV, “Daddy, bakit hindi natin patayin yung ilaw natin sa sala for Earth Hour?” Sagot ko naman, “Anak, iisa na nga lang yan na naka-bukas, papatayin pa natin?! Over naman yun.“]

So paano nga? How can we conserve energy when turning off more lights is no longer an option?

One way would be to redefine the term “essential.” Ewan ko sa iba ha, pero for me “essential” would mean something that, if taken away (or turned off, in this case), would adversely affect the security and health of my family and me. All other considerations ay papasok na sa varying degrees ng “non-essentiality.”

Halimbawa:

  • Pag pinatay ang isang ilaw at naging mas vulnerable kami sa akyat-bahay gang… essential yung ilaw na yun!
  • Pag pinatay ang isang ilaw at nabawasan ang ganda ng facade ng bahay namin… non-essential na ilaw yun!
  • Pag pinatay ang isang ilaw at nahirapang hanapin yung gamot sa hika ng anak ko na nakapatong sa estante… essential yung ilaw na yun!
  • Pag pinatay ang isang ilaw at dumilim ang sala habang nanonood kami ng TV… non-essential ang ilaw na yun.

So kung wala talagang choice at dapat iwanang naka-on ang essential lights, tiyakin na lang na energy-saving ang mga ilaw na ito! Sa bahay, isa-isa ko nang pinapalitan ng LED bulbs yung mga CFL bulbs namin. Technically, energy-saving na nga yung CFLs kasi mas matipid siya ng di-hamak sa mga naunang Incandescent bulbs.

Pero ang LEDs, mas matipid naman ng di-hamak sa CFLs! Mas matagal din ang buhay nito. Mas resistant din ito sa shock kaya kahit maalog (o sadyang alugin) ay buhay pa din siya. Ikumpara niyo din yung liwanag ng bawat isa:

Ilaw mula sa CFL bulb na 15 watts…

at ilaw mula sa 7 watts na LED bulb.

Saan ka pa, di ba?! Problema lang yung presyo. Dahil relatively new technology siya, may kamahalan talaga. Kaya investment yung maglipat sa LED bulbs. Pero OK pa din kasi, dahil mahaba ang buhay niya, mas mura ang labas niya in the long run.

Kaya nag-decide na ako: utay-utay, papalitan ko ng LEDs ang lahat ng mga ilaw namin sa bahay. Starting with the essential lights; later pati na yung mga non-essentials.

Siguro naman magmumura din ito later. Parang USB drive lang yan. Nung una 5K yung 4Gig na USB, ngayon, 350 Pesos na lang siya. So yung 600 Pesos na LED bulb ngayon, sa ilang taon baka 250 Pesos na lang. 🙂

LED na bumbilya… Magtipid para sa pamilya!

Ang Asteeg kong flashlight. Bow.

Talking about Survival Kits, isang mahalagang bahagi nito ay ang pagkakaroon ng source ng emergency lighting. Ilaw. Iba-ibang posibilidad ang pwede nating tingnan. Pero, tandaan lang natin na walang perpekto sa buhay… every option has its attendant shortcomings.

Tingnan natin isa-isa:

  • Kandila – requires posporo (na pwedeng mabasa), nakaka-sanhi ng sunog, namamatay kung malakas ang hangin, di pwede kung maulan, nauubos
  • Rechargeable emergency lights/lamps – kailangang i-recharge sa outlet (paano kung matagal na walang kuryente?), hindi pwedeng mabasa
  • Flashlight na de-baterya – requires batteries (mahal, lalu yung rechargeable), mauubusan ka eventually lalu kung walang mabilhan ng pampalit
  • Solar-powered na ilaw – mahal i-set up, fragile ang solar panels

So, ano ang da best para sa akin? Magpatuloy magbasa “Ang Asteeg kong flashlight. Bow.”

Ang Asteeg kong flashlight. Bow.