Ngiti.

12Hul07

Sa isang banda’y tama ka kaibigan
nang iyong sabihin na ako’y may diperensiya
na ako’y may sakit
na ako’y may problema

Marahil ay napansin mong ako’y nahihirapan.
nahihirapang makitungo sa di ko katulad
nahihirapang makisama sa di ko kapalad
Ilag sa ilang mas malabo sa sarili
Ilag sa karamihang puro walang sinabi

Tama ka kaibigan, gayon nga ako
Ngunit isang bagay lang ang dapat liwanagin
nang ang di-pagkakaintindiha’y wag mamagitan sa atin
Ako nga’y may diperensiya, ngunit kontento sa sarili
Ako nga’y may sakit, ngunit ayokong gumaling

MALAYA ako kaibigan, mamamatay akong may ngiti sa mga labi.

Filed under: Uncategorized   |  Leave a Comment